الخيانة بتجرح. مش بس بتصدمك، كمان بتخلّيكي تفقدي الثّقة بشريكك وبحالك. بتبطّلي قادرة تشعري بالأمان. وبتحسّي حالك بلا قيمة. يمكن تاخدي وقت لتتخطّي يلّي صار معك. ولكن لو قدّ ما شايفتيها صعبة، منّا مستحيلة. بتعرفي؟ يسوع المسيح انخان من شخص قريب منّه. واختار انّه يسامحه. انتي كمان فيكي تطلعي من هالموقف وما تضلّي علقاني هونيك. اليوم بشجّعك تروحي لعند الرّبّ يسوع لأنّه وحدو قادر يساعدِك. وقت ينسكب حبّه على حياتك، بتصيري تشوفي حالك متل ما هوّي شايفك. وبيردّلّك قيمتك. وحده حبّه بيشفي كلّ جرح مفتوح بحياتك. “يَشْفِي ٱلْمُنْكَسِرِي ٱلْقُلُوبِ، وَيَجْبُرُ كَسْرَهُمْ”