انتي غلطة! كان بدنا صبي بس طلعتي بنت! مين بدّو يهتمّ بآخرتنا؟ شي مرّة نقلّك هالكلام؟ بيجرح ما هيك؟ ردّة الفعل الطّبيعيّة لهيدا الجرح هيّ التّمرّد على مجتمع بميّز الرّجّال عن المرأة. وهالتمرّد بخلّيكي تتصرّفي بطريقة تثبت لأهلك ومجتمعك إنّك أفضل من 100 شب كانوا خلّفوا. وبتصيري شوي شوي متل ما بيقولوا “إخت الرّجال”. طبعًا بالبداية بتفرحي بحالك وبتفتخري. ثبّتّي إنّك قدّها وقدود! بس بيجي وقت، المشاعر الأنثويّة يلّي جوّاتك بتتحرّك وبتشتاقي تلاقي شريك الحياة وتصيري أمّ. ولمّا توصلي لهون ارجعي ليلّي خلقك. الله ما غلط لمّا قرّر تكوني بنت. الله اختار انّه يخلقك على صورته ومثاله. انتي تحفته! “لِأَنَّكَ أَنْتَ ٱقْتَنَيْتَ كُلْيَتَيَّ. نَسَجْتَنِي فِي بَطْنِ أُمِّي. أَحْمَدُكَ مِنْ أَجْلِ أَنِّي قَدِ ٱمْتَزْتُ عَجَبًا. عَجِيبَةٌ هِيَ أَعْمَالُكَ، وَنَفْسِي تَعْرِفُ ذَلِكَ يَقِينًا”